Нарын облусунда «Кур-Терек» аталышындагы жаңы 110/35/10 кВ подстанциясынын курулушу башталды. Жергиликтүү энергетика башкармалыгынан алынган маалыматка ылайык, бул чечим жаңы өнөр жай, турак жай жана социалдык объектилерди ишенимдүү электр энергиясы менен камсыздоо үчүн кабыл алынды. «НЭС Кыргызстан» деп аталган Нарын электр тармактары ишканасы подстанциянын 35 кВ «Кур-Терек» курулушунун баштапкы планынан баш тартып, долбоордук параметрлерин өзгөрттү. Анын ордуна 2025-жылга капиталдык курулуш пландарына 110/35/10 кВ подстанциясын жана 10,42 км узундуктагы аба электр линиясынын курулушу киргизилди.
Мындан тышкары, «СЭЗ Нарын — СЭЗ Кашкар» индустриалдык паркында «Эки өлкө - эки парк» долбоору ишке ашырылып, төрт жаңы өнөр жай ишканасынын курулушу башталды. Бул объектилердин туруктуу иштеши үчүн кошумча электр энергиясы талап кылынат.
Жаңы долбоордун ишке кириши «Нарын-1» 110/35/10 кВ подстанциясына болгон жүктү жеңилдетүүгө, ошондой эле региондун энергетикалык системасынын келечектеги өнүгүүсүн камсыздоого жана жаңы объекттерди, анын ичинде ГИКтин турак комплексин жана реконструкцияланып жаткан «Нарын» аэропортун туташтырууга шарт түзөт.
Курулуш иштеринин башталышы 2025-жылдын апрелинде болуп, учурда активдүү улантылууда. «Кур-Терек» участкасындагы курулуш аянтчасы үчүн убактылуу электр энергиясы менен камсыздоо үчүн 400 кВА кубаттуулуктагы трансформатордук подстанция орнотулду.
Подстанциянын курулушун каржылоону «НЭС Кыргызстан» компаниясынын өз каражаттары менен жүргүзүлүүдө. Объект 2026-жылдын аягында пайдаланууга берилет деп күтүлүүдө.
