Энергетика министри Таалайбек Ибраев Ноокат районундагы Кулатов айыл өкмөтүндөгү Кожо-Арык айылында жайгашкан 35/10 кВ «Т. Кулатова» жаңы подстанциясын жана 35 кВ «Абшыр – Т. Кулатов» электр өткөрүү линиясын расмий түрдө ачты, Ош электр тармактары ишканасынын башкаруусунда.
Министрликтен билдиришкендей, бул долбоордун негизги максаты 97 трансформатордук подстанцияга туташкан 3626 абоненттин 1820ын электр энергиясы менен камсыздоо болуп саналат. 10 кВ «Абшыр» фидери 55 чакырымга созулуп, 110/35/10 кВ «Көк-Жар» подстанциясынан башталат. Жаңы 35/10 кВ «Т. Кулатов» подстанциясы бул процессте маанилүү роль ойнойт.
Мындан тышкары, долбоор Абшыр, Кожо-Арык, Кош-Добо жана Баглан айылдарынын тургундары үчүн электр камсыздоонун сапатын жана туруктуулугун жакшыртууга багытталган.
Ошондой эле 35/10 кВ «Абшыр» жана 110/35/10 кВ «Кок-Жар» подстанциялары ашыкча жүктөмдөн бошотулуп, техникалык жоготууларды азайтууга мүмкүндүк берет. 35 кВ «Т. Кулатова» узундугу 5,6 км болгон линиясы өзүн-өзү кармап турган изоляцияланган проводдор (СИП) менен курулган жана 35 кВ «Кок-Жар - Абшыр» линиясыменен байланышкан.
План боюнча, подстанцияны куруунун баасы 15 миллион сомду, ал эми аба линиясын куруу 10 миллион сомду түзгөн. Жасалган иштердин жыйынтыгында, подстанция 8 миллион 218,45 миң сомго, ал эми аба линиясы 7 миллион 197,28 миң сомго курулган.
Ачылыш аземинде министр энергетикалык инфраструктураны өнүктүрүүнүн маанилүүлүгүн белгилеп, бул калкты сапаттуу жана үзгүлтүксүз электр энергиясы менен камсыздоонун негизги факторлорунун бири экенин айтты. Ал жаңы объектилердин киргизилиши энергетикалык системанын ишенимдүүлүгүн кыйла жогорулатат деп баса белгиледи.
Техникалык жактан, подстанцияда 2,5 МВА 35/10 кВ трансформатору, 35 кВ выключатель жана КРУН-10 кВ жабдуулары орнотулуп, 10 кВ үч фидер Кош-Добо, Кожо-Арык жана Баглан тараптарына чыгарылган.
35/10 кВ «Т. Кулатов» подстанциясын куруу маселеси II Элдик курултайда жергиликтүү тургундар тарабынан көтөрүлгөн, азыркы учурда объект ийгиликтүү эксплуатацияга берилди. ```
