Бул жылы 8-мартта өткөрүлүүчү Эл аралык аялдар күнү үчүн арналган салттуу марш Бишкекте коопсуздук себептеринен улам өткөрүлбөйт. Анын ордуна, 12:00дөн 13:00гө чейин Горький атындагы скверде тынч акция пландалууда.
Уюштуруучулар иш-чараны өткөрүүгө шаардык мэриядан уруксат алышкан. Бул тууралуу 24.kg басылмасына берген интервьюсунда оргкомитеттин өкүлү Айгуль Сторожук билдирди.
Акциянын катышуучуларынын коопсуздугун камсыздоо үчүн атайын сунуштар даярдалган, алар менен иш-чарага катышууга кызыкдар болгон бардык адамдар таанышууга чакырылат.
Оргкомитеттен билдиришкендей, иш-чаранын бардык учурунда уюштуруучулар милиция кызматкерлер менен биргеликте катышуучулардын плакаттарынын мазмунун көзөмөлдөп, жарыяланган темага ылайык келүүсүн камсыздашат.
Акцияга катышуу үчүн каттоо орунда өтөт.
Оргкомитет иш-чаранын негизги максаты – аялдардын укуктарын коргоо жана үй-бүлөлүк зомбулук жана фемицид сыяктуу маанилүү маселелерге коомдук көңүл буруу экенин баса белгилейт.
