Kloopтун адвокаты Нурбек Токтакуновдун айтымында, иш тездетилген тартипте каралган жана соттук коллегия Kloop Mediaнын материалдары экстремисттик деп табылганын, буга чейин Октябрь жана Бишкек шаардык соттору тарабынан белгиленгендей, тастыктады.
Эскерте кетсек, 27-октябрда Октябрь райондук соту Kloop.kg материалдарын гана эмес, ошондой эле Temirov Live жана «Айт Айт Десе» маалымат долбоорлорун экстремисттик деп тааныган чечим чыгарган. Бул чечимге журналисттер Болот Темиров жана Ринат Тухватшиндин ишмердүүлүгү да кирген.
Соттун токтомуна ылайык, колдонуучуларга социалдык тармактарда бул медиа материалдарына «жакты» белгисин коюуга же жайылтууга тыюу салынат, анткени бул экстремисттик ишмердүүлүктү колдоо катары каралышы мүмкүн.
Белгилей кетсек, Temirov Live жана «Айт Айт Десе» медиапроекттери Болот Темиров тарабынан негизделген, ал 2022-жылы Кыргызстандан чыгарылган, сот анын өлкөнүн жаранынын паспорту мыйзамсыз алынганын тааныган. Бул документ жокко чыгарылган.
