12 жылдык мектеп билим берүү моделине өтүү менен, бала бакчаларда даярдык топтору кыскартылууда, бул болсо биринчи класска кирген окуучулардын санын көбөйтөт. Бул мектеп инфраструктурасын кеңейтүү жана жабдууларды жаңылоого муктаждыкты жаратууда.
Азыркы учурда өлкөдө мамлекеттик жана муниципалдык билим берүү мекемелеринин жетишсиздиги байкалууда. Ошондуктан өкмөт жеке билим берүү мекемелери үчүн жагымдуу шарттарды түзүүгө жана билим берүү процессин жүргүзүү үчүн жайлар боюнча ашыкча талаптарды жоюуга аракет кылууда.
Айрыкча, жеке мектептер үчүн санитардык нормаларды жөнөкөйлөтүү жана имараттарды кайра жабдуу же реконструкциялоо үчүн архитектуралык-техникалык корутунду талап кылууну жоюу пландалууда.
Мындан тышкары, Саламаттык сактоо министрлигинде 12 жылдык билим берүү системасына өтүү эки этапта жүргүзүлөрү такталды. Биринчи этапта (2024–2025-жылдар) билим берүү жана саламаттык сактоо боюнча нормативдик-укуктук актыларга өзгөртүүлөр киргизилет, мамлекеттик мекемелерде окуучулар үчүн орун жетишсиздигинде жеке мектептерди колдоо камтылат.
