Ал белгилегендей, төмөн жана орто кирешелүү өлкөлөрдө бул көрсөткүч 1ден 2 пайызга чейин өзгөрүп турат, ал эми өнүккөн өлкөлөрдө 5-10 пайызга жана андан да жогору болушу мүмкүн.
«Демек, Франция, Италия же Испаниянын жарандардын психикалык ден соолугу кыргыздардын ден соолугунан 100 эсе маанилүүбү? Бул туура эмес. Кыргызстандагы адамдар да психикалык ден соолук боюнча адекваттуу колдоо алууга татыктуу», — деп комментарий берди Борис Ли.
Анын айтымында, өлкөдө психикалык ден соолук боюнча адистердин жетишсиздиги байкалууда. Дүйнөлүк саламаттыкты сактоо уюмунун 2025-жылга карата берген маалыматына ылайык, Кыргызстанда 100 миң адамга 11 психиатрдан келет. Бул дүйнөлүк орточо көрсөткүчтөн, 9дан, бир аз жогору, бирок Европада бул көрсөткүч 100 миң адамга 40тан 60 адиске чейин өзгөрүп, бай өлкөлөрдө 100дөн ашат.
Темага Кыргызстанда жыл сайын психикалык бузулуулары бар бейтаптардын саны өсүүдө
Баштапкы медициналык-санитардык жардам бөлүмүнүн жетекчиси Нургуль Ибраева психиатрлардын төмөн айлык акысы алардын санын азайтууга себеп болуп жатканын да тастыктады. «Айлык акы адистерди кармап туруучу негизги фактор. Ошондуктан, үй-бүлөлүк дарыгер, психиатр, психолог жана патронаждык медайымдан турган көп тармактуу командалар үчүн стимулдар каралган», — деп кошумчалады ал.
Брифингде ошондой эле Кыргызстан өкмөтү 2018-жылы 2030-жылга чейин иштелип чыккан Психикалык ден соолукту коргоо программасын бекиткендиги айтылды. Бул программаны ишке ашыруу боюнча иштер башталды.
