Ибраева белгилегендей, ири шаарларда профилдик адистер менен камсыздоо жагынан абал канааттандырарлык, бирок алыскы аймактарда жарандарга зарыл медициналык жардам алуу кыйын.
Республикалык психиатрия жана наркология борборунун директорунун милдетин аткаруучу Жаныбек Ажибеков 2025-жылдын аягына чейин өлкөдө психиатрлардын саны бардыгы болуп 136 адамды түзөрүн кошумчалады.
«Он беш жыл мурун алардын саны 300гө жеткен, ал эми наркологдордун саны 50 болгон. Эсептөөлөргө ылайык, ар 40 миң тургунга бир психиатр туура келет. Айрым райондордо, калкы 160 миңден турган жерлерде, болгону бир психиатр бар, ал жарым ставкада иштейт, наркологдун милдеттерин да аткарат. Ал рецепттерди жазып берет, бейтаптарды кабыл алат жана аскер комиссариаттары үчүн медициналык текшерүүлөргө катышат. Ири психиатриялык стационарлар Бишкек, Ош жана Жалал-Абадда жайгашкан, ошондой эле Чым-Коргондо жана Кызыл-Жарда эки ири ооруканалар бар, бирок ал жакта да адистердин жетишсиздиги байкалууда», — деп баса белгиледи ал.
