Ошондой эле Бишкек — Улан-Батор каттамдарын кайра жандантуу мүмкүнчүлүгү каралууда
2026-жылдын 24-мартында Улан-Батордо Кыргызстандын Монголиядагы элчиси Айбек Молдогазиевдин Монголиянын транспорт жана жолдор министринин орун басары Гочоогий Ганболд менен жолугушуусу болуп өттү.
Сүйлөшүү учурунда транспорт тармагындагы кызматташтык маселелери талкууланды. Атап айтканда, Кыргызстандын 2016-жылы Монголия, Россия жана Кытай тарабынан кол коюлган Азия жолдорунун тармактары боюнча эл аралык жүк ташуу боюнча өкмөттөр аралык келишимге кирүү мүмкүнчүлүгү көтөрүлдү.
Мындан тышкары, Бишкек менен Улан-Батор ортосундагы түз авиакаттамдарды кайра жандантуу маселеси талкууланган темалардын бири болду.
Кыргызстандын өкүлдөрү транспорттук коридорлорду жана логистикалык инфраструктураны өнүктүрүү товар айланууну көбөйтүү жана жеткирүүлөрдүн туруктуулугун камсыз кылуу үчүн маанилүү экенин белгилешти. Монголия болсо кызматташтыкты тереңдетүүгө кызыктар экенин билдирип, профилдик мамлекеттик органдар үчүн өзүнчө жолугушуу уюштурууну сунуштады.
Сүйлөшүүлөрдүн жыйынтыгы боюнча бардык макулдашылган багыттар боюнча ишти улантуу чечими кабыл алынды.
Сүрөт www
