Соревнованияга ректордук, институттар, факультеттер жана колледждерден командалар катышты, алар жаш курагы боюнча топторго бөлүнгөн: 40 жашка чейин жана 40 жаштан жогорку. Соревнования декабрь айынын ичинде жума күндөрү өттү. Катышуучулар волейбол, баскетбол, футбол, мини-футбол, үстөл тенниси, тогуз коргоол, аркан тартыш жана шахмат сыяктуу сегиз спорттук дисциплинада күч сынашты.
Командалык эсептөө боюнча жыйынтыктар төмөнкүдөй бөлүштүрүлдү:
1-орун — Экономика, бизнес жана менеджмент институту;
2-орун — STEM инновациялык колледжи;
3-орун — Математика, физика, техника жана маалыматтык технологиялар институту.
Сыйлык тапшыруу аземине ректор Кудайберди Кожобеков жана профсоюз комитетинин төрагасы Абсамат Саттаров, ошондой эле университеттин башка өкүлдөрү катышты. Жеңген командаларга дипломдор, кубоктор жана акчалай сыйлыктар тапшырылды. Соревнованиянын жалпы сыйлык фонду 240 миң сомду түздү.
Расмий билдирүүдө белгиленгендей, бул спартакиада жыл сайын өткөрүлүп, окутуучулардын ден соолугун чыңдоого, спортту популяризациялоого жана жамаатта достук мамилелерди өнүктүрүүгө багытталган.
