11-ноябрда Каныш-Кыя айылында «Чаткал түстөрү – 2025» жана «Чаткал Даамы — Taste of Chatkal» аттуу биринчи бириккен фестиваль өттү. Бул иш-чара Туризмди өнүктүрүү фондусу тарабынан уюштурулуп, Чаткал районунда экотуризмди, регионалдык бренддерди жана улуттук ашкананы илгерилетүүдө маанилүү этап болду.
Фестивалдын максаты Чаткалдын туристтик жана гастрономиялык мүмкүнчүлүктөрүн көрсөтүү, ошондой эле жергиликтүү фермерлерди, кол өнөрчүлөрдү жана ашпозчуларды колдоо болду. Бардык пландалган тапшырмалар ийгиликтүү аткарылды.
Фестивалдын коноктору жергиликтүү товарлар жана кол өнөрчүлүктөрдүн ярмаркасынан ырахат алып, «Чаткал Даамы» бренди менен сунушталган тамак-аштарды татып көрүүгө, ошондой эле этно-концерт, спорттук мелдештер жана туристтик кросстун күбөсү болууга мүмкүнчүлүк алышты. Мындан тышкары, коноктор экологиялык акцияларга жана айлана-чөйрөнү коргоого багытталган башка демилгелерге катыша алышты.
