Расмий ачылыш 18-ноябрда болуп өттү, деп маалымдады университеттин өкүлдөрү. Иш-чарага Токио университетинин профессору Нобутоси Нава, япон делегациясынын мүчөлөрү, ОшГУнун ректору Кудайберди Кожобеков, ошондой эле университеттин окутуучулары жана студенттери катышты.
Кудайберди Кожобеков бул демилге Кыргызстан менен Япониянын илим жана билим берүү тармагындагы өнөктөштүгү үчүн жаңы этапты символдойт деп белгиледи. Ал долбоордун стратегиялык мааниси бар экенин жана региондун актуалдуу көйгөйлөрүнүн бирин чечүүгө багытталганын баса белгиледи.
Илийм борбору булганган абанын адамдардын ден соолугуна тийгизген таасирин изилдейт. Долбоордун алкагында Ош жана Бишкек шаарларында, ошондой эле башка региондордо абанын сапатын баалоо үчүн атайын жабдуулар орнотулат. Долбоордун катышуучулары бул изилдөөлөрдү жүргүзүү үчүн стратегияны иштеп чыгышат. Ошондой эле Токиодон илимпоздор келип, ОшГУнун адистери менен кызматташып иштешет. Жыйналган маалыматтар тиешелүү мамлекеттик структураларга жана кызыкдар уюмдарга өткөрүлөт.
Борбордун түзүлүшү ОшГУ жана Токио университетинин биргелешкен долбоорунун бөлүгү болуп саналат, ал «Спутниктик маалыматтарга жана регионалдык химиялык-транспорттук моделирлөө негизинде абанын булганышын баалоо системасын өнүктүрүү» деп аталат. Бул долбоордун алкагында ОшГУнун үч кызматкери Токиодо окутуудан өтүштү.
Долбоор беш жылга эсептелген жана 2025-жылы башталат. Аны Япониянын эл аралык кызматташтык агенттиги (JICA) жана Япониянын илим жана технологиялар агенттиги (JST) каржылайт. Жалпы инвестициянын суммасы 5 миллион долларды түзөт, ал акча илимий борбор үчүн зарыл жабдууларды сатып алууга жумшалат.
