Василий Владимирович БАРТОЛЬД

Европа ориенталистикасынын корифейи орус илимпозу Василий Владимирович БАРТОЛЬД (3-ноябрь, 1869 — 19-август, 1930). Ал Санкт-Петербург университетинин чыгыш тилдери факультетин (1891) аяктаган. Анын «Туркестан монгол баскынчылыгы учурунда» деген диссертациясы магистр даражасын алуу үчүн даярдалып, доктордук иш катары таанылган (1900). Ал Борбордук Азиянын айрым аймактарына, анын ичинде Кыргызстанга да жеке барып келген.

В.В.Бартольддун негизги эмгектеринен белгилүү «Кыргызы: Тарыхый очерк» деген эмгегин атап өтсөк болот, ал Кыргыз автономиялуу республикасынын өкмөтүнүн өтүнүчү боюнча даярдалып, кыргыздардын жана Кыргызстандын тарыхы боюнча кийинки обобщациялык жана булактарды изилдөө иштеринин негизин түзгөн. Так ушул эмгегинде академик В.В.Бартольд «Кыргыз мамлекеттүүлүгү» деген аныктаманы Кыргыз каганатынын 9-кылымдын ортосунан 10-кылымдын башына чейинки саясий тарыхы үчүн илимге киргизген.

Академик В.В.Бартольд, В.В.Радлов сыяктуу эле, кийинки орус (жана советтик кыргыз) ориенталистика жана түркология мектеби үчүн ылайыктуу кадрдык базаны даярдаган.

Европалык илимпоздордун Кыргызстанга жана анын чектеш аймактарына болгон “баскынчылыгы” гуманитардык илимдер менен гана чектелген эмес.