2012-жылга карата маалыматтык-коммуникациялык технологиялардын абалы жана колдонулушу боюнча мониторингге 9224 ишкер субъект (предприятиялар жана уюмдар) киргизилген, алар компьютердик техниканы жана маалыматтык технологияларды колдонушат. 2008-жылга салыштырганда республикадагы мындай ишканалардын саны 1,6 эсеге өскөн.
Статистикалык маалыматтардан көрүнүп тургандай, IT-сфера калк үчүн күндөн-күнгө кызыктуу болуп жатат. Программалык камсыздоону иштеп чыгуу боюнча жетекчи болуп иштөө http://top.rabota.ua/ Кыргызстанда эң жогорку маяна төлөнгөн жумуштардын бири болуп эсептелет. Кыргызстандагы веб-даярдоочунун маянасы коңшу мамлекеттердеги жана ТМДдагы аналогдук кесиптерге ылайык келет. Маяна жана кызматтык милдеттердин деңгээлин салыштыруу үчүн top.rabota.ua порталын колдонсо болот.
2012-жылы ИКТ каражаттарын колдонгон ишкер субъекттердин үлүшү шаардык жерлерде 76,5 пайызды, ал эми айылдык жерлерде 23,5 пайызды түзгөн.
2012-жылы ИКТ каражаттарын колдонгон мамлекеттик менчик формасындагы ишкер субъекттердин үлүшү жалпы санынын 37 пайызын, жеке менчик формасындагы 63 пайызын түзгөн, алардын ичинен 1,5 пайызын чет элдик инвестициялары бар ишканалар түзгөн. Мамлекеттик менчик формасындагы ишкер субъекттердин жалпы саны (3413) ичинен болгону 2,8 пайызын Мамлекеттик компьютердик тармакка туташкан, ал эми 459у өз веб-сайтына ээ, алардын 111и же 24,2 пайызы кыргыз тилиндеги контентке ээ.
ИКТны колдонгон ишканалардын эң чоң үлүшү Бишкек шаарында (жалпы санынын 48 пайызга жакыны), эң аз үлүшү Баткен облусунда (3,5 пайыз) орун алган.
Маалыматтык-коммуникациялык технологияларды колдонуу
2012-жылы 2008-жылга салыштырганда ИКТны колдонгон ишканалардагы жумушчулардын саны 1,5 эсеге өскөн. Мындай жумушчулардын эң чоң үлүшү Бишкек шаарында (57,5 пайыз), эң аз үлүшү Ош (3,9 пайыз) жана Баткен (2,9 пайыз) облустарында орун алган.
2012-жылы республика боюнча бир ишканага орточо 11 ИКТны колдонгон жумушчу туура келген. Региондор боюнча алардын саны тең эмес, 6дан 11ге чейин өзгөрүп турат. ИКТны колдонгон жумушчулардын арасында аялдардын үлүшү 57 пайызды түзүп, 2011-жылга салыштырганда 8,3 пайызга өскөн.
ИКТны колдонгон жумушчулардын көпчүлүгү мамлекеттик ишканаларда иштешет (59 пайыз), бул жеке ишканаларга караганда 1,4 эсеге көп.
Маалыматтык-коммуникациялык технологиялар тармагында иштеген адистердин саны 2012-жылы республика боюнча 11,8 миң адамды түзгөн. Алардын эң чоң үлүшү Бишкек шаарында - 35 пайыз, эң аз үлүшү Нарын облусунда - 1,9 пайызды түзгөн.
ИКТ каражаттарын колдонуу жана өнүктүрүү боюнча чыгымдар
Ишканалардын жана уюмдардын ИКТны өнүктүрүүгө болгон чыгымдары өтө аз. 2012-жылы орточо бир текшерилген ишкана үчүн ИКТны өнүктүрүүгө болгон чыгымдар 508,9 миң сомду, Бишкек шаарында - 780,5 миң сомду, Ош шаарында - 191,2 миң сомду, ал эми региондор боюнча орточо 186,7 миң сомду түзгөн.
ИКТны өнүктүрүү боюнча иштерди каржылоонун негизги булагы ишканалардын өз каражаттары болуп, жалпы көлөмдүн 76 пайызын түзгөн.
ИКТ каражаттарынын паркы
2013-жылдын 1-январына карата республикадагы ишканаларда жана уюмдарда компьютерлердин саны боюнча маалыматтар төмөнкү таблицада берилген:
Ишканаларда жана уюмдарда (кичине ишканаларды эске албаганда) 2012-жылы Pentium III жана андан жогору конфигурациядагы компьютерлердин саны 71,9 пайызды түзгөн.
2012-жылы ишканаларда жана уюмдарда 13 миңден ашык лицензияланган программалык каражаттар (ЛПС) колдонулган, алардын 6 пайызы гана айылдык жерлерде.
Жалпы оргтехниканын санынын ичинен принтерлер 70 пайыздан ашыгын, кагаз көчүрүүчү техникалар 15 пайызды, сканерлер 13 пайызды түзгөн. Республикадагы оргтехниканын жарымынан көбү Бишкек шаарында жайгашкан.
2012-жылы ишканаларда жана уюмдарда оргтехникалык каражаттардын болушу экономикалык ишмердик түрлөрү боюнча
Компьютердик кызмат
Компьютердик кызмат локалдык эсептөө тармактары (ЛЭС), Интернетке кирүү, электрондук почта жана веб-сайттардын болушу, Мамлекеттик компьютердик тармакка (МКТ) кирүүнү билдирет.
Республиканын 60 пайыздан ашык ЛЭС мамлекеттик ишканаларда иштейт.
Бишкек шаарында орточо бир ишканага 8 электрондук почта жәшиги туура келет, Ош шаарында - 5, Ысык-Көл облусунда - үч жәшик.
Интернетке кирүүчү точкалардын жарымы мамлекеттик ишканаларга туура келет, алардын ичинен 41 пайызы ADSL режиминде же бөлүнгөн канал аркылуу иштейт.
2012-жылдагы компьютердик кызматтын көрсөткүчтөрү
Веб-сайттардын эң чоң бөлүгү шаардык жерлерде жайгашкан ишкер субъекттерде (94 пайыз), алардын 66 пайызы Бишкек шаарында. 2012-жылы жеке ишканалардын 72 пайызы өз веб-сайттарына ээ, алардын ичинен 10 пайызы кыргыз тилин колдонот.
2012-жылы Мамлекеттик Компьютердик Тармакка (МКТ) республикадан 125 ишкана киргизилген. Алардын үчтөн бир бөлүгү (35 пайыз) Бишкек шаарында жайгашкан. МКТга киргизилген ишканалардын маанилүү бөлүгү (76 пайыз) мамлекеттик ишканалардан турат, алардын жарымынан көбү мамлекеттик башкаруу тармагына тиешелүү.
Маалыматтык-коммуникациялык технологияларды финансылык кызматтар секторунда колдонуу боюнча маанилүү өсүш байкалууда. Мисалы, Кыргыз Республикасынын Улуттук банкынын маалыматына ылайык, 2012-жылы 21 кредиттик уюм-эмитентте акыркы 5 жылда төлөм (пластикалык) карталардын жалпы саны 3,8 эсеге өскөн (2008-жылы 109 миңден 2012-жылы 409 миңге чейин), ал эми төлөм карталарын тейлеген перифериялык түзүлүштөрдүн саны - ATM (банкоматтар) 3 миң, POS-терминалдар 2,4 миң единицаны түзгөн.
