Кыргыз Республикасынын Экономика жана соода министрлиги жаңы фонддун негиздөөчүсү жана жалгыз акция ээсинин ролун аткарат. Ага төмөнкүлөр тапшырылган:
- Фондду мамлекеттик каттоодон өткөрүү;
- анын уставын жана уюштуруу структурасын бекитүү;
- ишмердүүлүгүн камсыз кылуу үчүн финансылык механизмдерди иштеп чыгуу, башка мамлекеттик органдарды тартуу.
Фонддун уставдык капиталы 100 миң сом деңгээлинде белгиленген, ал 1000 жөнөкөй аттуу акцияга бөлүнгөн, ар биринин номиналдык баасы 100 сомду түзөт.
Фонддун негизги максаты туруктуу өнүгүү боюнча демилгелерди колдоо жана «жашыл» экономикага инвестиция тартуу болот.
Бул фонд экологиялык туруктуу жана инновациялык долбоорлорду каржылоого багытталган мамлекеттик өнүктүрүү институту катары түзүлөт, анын ичинде жаңылануучу энергия, энергияны үнөмдөө, калдыктарды башкаруу, ошондой эле суу жана орман ресурстарын коргоо жана климаттын өзгөрүшүнө адаптациялоо.
Ошондой эле фондду Бишкектеги мамлекеттик имараттардын биринде жайгаштыруу пландалууда.
