Министрликтин басма сөз кызматынан билдиришкендей, табигый ресурстар министри Медер Машиев жеңүүчүлөргө төмөнкү категориялар боюнча сертификаттар жана баалуу сыйлыктар тапшырды:
- Нарын облусунун Ат-Баши районундагы Ак-Муз айылдык аймагы "Шумкар" маркасындагы авто техниканы сатып алуу үчүн сертификат алды;
- Баткен облусундагы Раззаков шаары таштандыларды сорттоочу линия алуу үчүн сертификат менен сыйланды;
- Чүй облусундагы Орловка шаарына кошумча сыйлык катары үч дөңгөлөктүү мотороллер тапшырылды.
Иш-чара учурунда экологиялык тармакты өнүктүрүүгө чоң салым кошкон өнөктөштөр да белгиленди.
Конкурстун максаты жергиликтүү өз алдынча башкаруу органдарын калктуу конуштардын санитардык абалын жакшыртууга, калк арасында экологиялык маданияттын деңгээлин көтөрүүгө жана катуу тиричилик калдыктарын башкаруунун натыйжалуу системасын түзүүгө стимул берүү болгон, деп билдирет ведомствонун материалдарында.
