Көзөмөл органы тарабынан берилген маалыматка ылайык, 2019-жылдан 2024-жылга чейин Жумгаль орман чарбасынын кызматкерлери жерлерди ижарага берүү боюнча сынактарды уюштурушкан, бирок бул иш-чаралардын жүрүшүндө жасалма протоколдор түзүлгөн.
Мындай аракеттердин натыйжасында 49 жаран 49 жылдык мөөнөткө жалпы аянты 104,19 гектарды түзгөн жер тилкелерин ижарага алышкандыгы Генпрокуратуранын билдирүүсүндө айтылат.
«Кызмат адамдары өз кызматтык абалынан пайдаланып, жеке кызыкчылыктарда же үчүнчү жактардын пайдасы үчүн аракет кылышкан. Текшерүүнүн натыйжасында 346-беренеге («Кызматтык жасалма документ») ылайык кылмыш иши козголду», - деп белгиленди прокуратурада.
Учурда тергөө иш-чаралары уланууда.
