Мамлекеттик салык кызматы Кыргыз Республикасынын Салык кодексине мүлккө салык салуу боюнча өзгөртүүлөр киргизилгенин маалымдайт.
Кызматтын маалыматына ылайык, өзгөртүүлөр мүлккө салыкты автоматташтырылган эсептөө системасын ишке ашыруу менен байланыштуу. Натыйжада эсептөө тартиби, салык ставкалары кайра каралып, калктуу пункттардын жерлери жана айыл чарба эмес жерлер, турак жай эмес имараттар, жайлар жана курулуштар боюнча мүлк салыгы боюнча маалыматтык эсептерди берүү талабы жокко чыгарылды.
Мындан тышкары, салык мыйзамдарында турак жай жана турак жай эмес мүлк объектилери сыяктуу бир нече жаңы түшүнүктөр пайда болду. Бул мүлк салыгынын түрлөрүнүн санын үчкө кыскартууга мүмкүндүк берди:
– турак жай объектине салык — турак жай имараттары жана жайлары, ошондой эле үйдүн, дачалык же бакча жерлеринин эки категориясы үчүн салыктык эсептөөлөрдү камтыйт;
– турак жай эмес объектке салык — турак жай эмес имараттарды, жайларды, курулуштарды жана калктуу пункттарга жана айыл чарба эмес максатка тиешелүү жер участокторун салыкка тартууну камтыйт;
– жер участогуна салык, ал айыл чарба жерлери үчүн колдонулат.
Жогоруда айтылганга кошумча, салык мыйзамдарындагы акыркы өзгөртүүлөргө ылайык, пенсионерлер эми үйдүн, дачалык жана бакча жер участокторуна салык боюнча жеңилдиктерге ээ болушат.
