Дебаттар 4-декабрда өтүп, толук аудиторияны чогултту. Талкууга финансылык сектордун эки авторитеттүү өкүлү катышты: экономист жана Euro Pacific Asset Management & Schiff Gold компаниясынын негиздөөчүсү Питер Шифф жана Binance компаниясынын башчысы Чанпэн Чжао.
Питер Шифф традициялык активдерди коргоп, алтындын кылымдык баалуулугун, технологиялык коркунучтарга туруктуулугун жана сактоо инструменти катары ишенимдүүлүгүн белгиледи.
Ошол эле учурда Чанпэн Чжао токенизация технологиясынын инновациялары жөнүндө айтып, чыныгы активдерди санариптештирүүгө жана алардын дүйнө жүзү боюнча колдонуучулар үчүн жеткиликтүүлүгүн, ликвиддүүлүгүн жана ачыктыгын камсыз кылууга мүмкүнчүлүк бергенин билдирди.
Иш-чаранын кульминациясы Чанпэн Чжао тарабынан кыргыз алтын куймасын көтөрүү болду, ал табигый ресурстарды блокчейн технологиялары менен интеграциялоо мүмкүнчүлүктөрү тууралуу сүйлөдү. Ал мындай долбоорлор жергиликтүү активдерди эл аралык рынокторго алып чыгып, инвесторлор үчүн жаңы мүмкүнчүлүктөрдү жарата аларын белгиледи.
Интернеттен алынган сүрөт. Дубайдагы Binance Blockchain Week 2025те Кыргызстандын алтыны көрсөтүлдү
Талкуу форумдун катышуучулары арасында чоң резонанс жаратты жана конференциянын экинчи күнүнүн борбордук темаларынын бири болду. Эксперттер дебаттар глобалдык тенденцияны тастыктаганын белгилешти: финансылык системанын келечеги традициялык активдер менен токенизация технологияларынын синергиясы менен байланыштуу болот.
Binance Blockchain Week 2025 уланууда, санариптик финансыларды жетектеген өкүлдөрдү чогултууда.
