Кыргызстан уникалдуу потенциалга ээ: көз карандысыздык мезгилинде эң чоң билимдүү жаштар мууну азыр продуктивдүү куракта. Бирок, убагында чаралар көрүлбөсө, өлкө келечектеги 5-7 жылда демографиялык дивидендди жоготуп алат, бул миграциянын жана социалдык туруктуулуктун жогорулашына алып келет.Талкуунун жүрүшүндө катышуучулар жаштардын жумушка орношуу мүмкүнчүлүктөрүнүн чектелиши, көндүмдөрдүн заманбап эмгек рыногунун талаптарына жооп бербеши, сапаттуу билимге жана саламаттык сактоого бирдей жеткиликтүүлүктүн жоктугу, ошондой эле айрым жаштар топторунун уязвимдүүлүгү сыяктуу көйгөйлөргө көңүл бурушту.
Чечим катары жумушсуздукка жана кесиптик даярдыкка багытталган программаларды иштеп чыгуу, ошондой эле жаштардын ишкердик мүмкүнчүлүктөрүн кеңейтүү жана ар кандай секторлордун ортосундагы өз ара аракеттешүүнү күчөтүү сунушталды.
Ошондой эле "Кыргызстандын муундарынын келечеги" аттуу форсайт-сессиясы өткөрүлдү, анда мамлекеттик структуралардын өкүлдөрү, эксперттер, жарандык коомдун мүчөлөрү жана ар кандай жаш курагындагы өкүлдөр чогулду. Катышуучулар өлкөнүн социалдык-экономикалык жана демографиялык өнүгүүсүнүн мүмкүн болгон сценарийлерин 5-20 жылдык мөөнөттө талкуулашты жана бүгүнкү күндө жасалууга тийиш болгон приоритеттүү кадамдарды белгилешти.
