Документти энергетика министринин орун басары Алтынбек Рысбеков жана ОсОО «Кыргызстан Риклейм Ко. ЛТД» компаниясынын башкы директору Цю Чэньци кол койду.
Меморандумдун шарттарына ылайык, тараптар жалпы орнотулган кубаттуулугу болжол менен 200 мегаваттка жеткен чакан ГЭС каскадын түзүүнү камтыган инвестициялык долбоорду ишке ашырууну пландаштырууда.
Болжолдонгон инвестициянын көлөмү болжол менен 300 миллион АКШ долларын түзөт.
Өкмөттө бул долбоорду ишке ашыруу генерациялык кубаттуулуктарды көбөйтүүгө, өлкөнүн энергетикалык туруктуулугун жогорулатууга жана Кыргызстандагы энергетика секторунун өнүгүшүнө жардам берет деп белгилешет.
