Жыйында комитеттин өткөн жылдагы ишинин жыйынтыктары тууралуу отчет сунушталды.
Депутаттар Азербайжанда жана Грузияда турган Кыргызстан жарандарынын укуктарын жана кызыкчылыктарын коргоонун маанилүүлүгүн белгилешти, ошондой эле өлкөлөр ортосунда саясий, соода-экономикалык жана маданий байланыштарды өнүктүрүүнү сунушташты.
Максат Мамыткановдун маалыматы боюнча, Бишкек менен Баку Азербайжан-Кыргыз өнүктүрүү фонду алкагында активдүү кызматташып жатышат.
Мындан тышкары, эл өкүлү Чолпон Эсенаманова жүк ташуучу унаа айдоочуларынын Азербайжан аймагы аркылуу транзит учурунда негизсиз талаптарга туш болгондугу тууралуу арыздарын көтөрдү. Ал дипломатты бул маселе боюнча көңүл бурууга чакырды.
Талкуунун жыйынтыгында элчинин маалыматы эске алынды.
