Кытай өкүлдөрү жылыжай өндүрүшүндө заманбап технологияларды киргизүү боюнча өз тажрыйбалары менен бөлүштү. Алар мындай жылыжайлар жерге катуу талаптар койбой турганын, уюштурулган технологиялык чынжыр айыл чарба өндүрүүчүлөргө туруктуу жана жогорку түшүм алууга мүмкүнчүлүк берерин белгилешти.
Жаныбек Керималиев Кыргызстанда жылыжай чарбаларынын жетишсиздиги байкалууда, бирок бул сектордун олуттуу потенциалы бар экенин баса белгиледи. Бул долбоорду ишке ашыруу өндүрүш көлөмүн жогорулатууга жана жергиликтүү фермерлерди колдоого мүмкүнчүлүк берет.
Тараптар айыл чарба секторун өнүктүрүү боюнча кызматташууга даяр экенин билдиришти. Суу ресурстары, айыл чарба жана кайра иштетүү өнөр жайы министрлигинде долбоорду ишке ашыруу түшүмдүүлүктү жана продукциянын сапатын жогорулатууга, ошондой эле азык-түлүк коопсуздугун бекемдөөгө, айылдык региондор үчүн жаңы мүмкүнчүлүктөрдү түзүүгө жардам берерин белгилешти.
