Министрликтин адистери айыл чарба өндүрүүчүлөрүнө "Айыл Банк" жана "Элдик Банк" аркылуу техника сатып алуу мүмкүнчүлүгүн пайдалануусун белгилешти. Мамлекеттик программаны ийгиликтүү ишке ашыруунун жаркын мисалы Талас облусунун фермери Эрнис Байызбек уулу болуп, ал 6% үстөк менен жеңилдетилген насыяга техника сатып ала алды.
Демонстрация учурунда катышуучуларга ОсОО "Автомаш Радиатор" компаниясынан сатып алынган тракторлор "Беларусь", дан жыйноочу жана картошка жыйноочу комбайндар, ошондой эле себүүчү, терең казуучу жана бүркүүчү техникалар көрсөтүлдү.
