Листинг — бул токенди белгилүү бир платформада, мисалы, биржада соода кылууга мүмкүн болгон активдердин тизмесине кошуу процессин билдирет.
HTX дүйнө жүзү боюнча 55 миллионго жакын колдонуучуну тейлеген алдыңкы эл аралык криптобиржалардын бири болуп саналат. Платформа спот жана деривативдик соода, стейкинг кызматтарын, ошондой эле Web3-сервистерине жана башка финансылык инструменттерге кирүүнү сунуштайт.
Бул биржада трейдерлер KGST/USDT жупта спот соода форматында соода жүргүзө алышат.
KGST — бул туруктуулукка багытталган стейблкоин, эсептешүүлөрдө жана санариптик финансылык инструменттерде колдонуу үчүн арналган. Токен BNB Smart Chain блокчейнине BEP-20 стандартына ылайык чыгарылган.
Фархат Иминов: «KGSTнин HTX эл аралык платформасындагы листинги мамлекеттин виртуалдык активдерди ачык жана атаандаштыкка жөндөмдүү экосистемасын түзүү боюнча жүргүзгөн комплексдүү ишинин жыйынтыгы болуп калды. Биздин максат — жеке долбоорлорду өнүктүрүү гана эмес, дүйнөлүк экономикага интеграцияланган санариптик финансылар үчүн улуттук инфраструктураны куруу».
Эскерте кетсек, KGST стейблкоини кыргыз сомунун курсуна 1:1 катышта байланган, улуттук санарип экономикасын өнүктүрүү боюнча программа алкагында ишке киргизилген. Ал BNB Chain блокчейнинин негизинде иштейт жана эсептешүүлөрдү, чегарадан ашкан которууларды жөнөкөйлөтүүгө жана санарип активдерди Кыргызстандын жана региондун финансылык системасына интеграциялоого багытталган.
