Сапар учурунда министр Abu Dhabi Global Market (ADGM) жана Dubai International Financial Centre (DIFC) сыяктуу ири эл аралык финансылык борборлордун жетекчилиги менен жолугушуулар өткөрдү. Талкуулар көз карандысыз регулятордук чөйрөнү түзүү, адистештирилген финансылык соттордун иши жана эл аралык инвестицияларды тартуу ыкмаларына арналды.
Сапар учурунда Бакыт Сыдыков БАЭнин тышкы соода министри доктор Тани бин Ахмед Аль Зейуд менен жолугушту. Эки өлкө ортосундагы соода-экономикалык жана инвестициялык кызматташтыкты кеңейтүү мүмкүнчүлүктөрүнө көңүл бурулду.
Иш сапарынын жыйынтыгы боюнча «Тамчы» атайын финансылык инвестициялык аймагынын институттук структурасын өнүктүрүүдө жардам берчү эл аралык алдыңкы тажрыйбалар изилденди.
- «Тамчы» атайын финансылык инвестициялык аймагы (АФИТ) 2025-жылы Ысык-Көлдүн жээгинде түзүлгөн. Ал чет элдик инвестицияларды санарип активдери, финансылык кызматтар жана туризм тармагына тартууга багытталган өзгөчө укуктук, салыктык жана валюталык режимди камтыйт. Бул аймактын резиденттери 49 жылга чейин көпчүлүк салыктардан бошотулат.
