Визит учурунда министрге уюмдун племенной биолабораториясында ири мүйүздүү малдын генетикалык мүнөздөмөлөрүн жакшыртуу жана жасалма уруктандыруунун натыйжалуулугун жогорулатуу боюнча иш-аракеттер жүргүзүлүп жатканы тууралуу маалымат берилди. Ошондой эле, ар кандай региондордо техникалык уруктандыруучулар үчүн суюк азот жеткирүү камсыздалууда.
Министр сапаттуу көрсөткүчтөргө өтүүнүн маанилүүлүгүн белгиледи: "Биз генетикалык жактан таза тукумдук материалды алуу боюнча көңүл бурушубуз керек. Бул биздин артыкчылыгыбыз. Ошондой эле, жергиликтүү климаттык шарттарга ылайыкташтырылган жана тиешелүү сыноолордон өткөн жайыт өсүмдүктөрүнүн отандык уруктарына көңүл буруу маанилүү", - деди ал.
Мындан тышкары, министр ишкананын жетекчилигине заводу толук реконструкциялоо үчүн сметалык долбоорду иштеп чыгуу боюнча тапшырма берди. Ал ошондой эле, оңдоп-түзөө иштеринин жүрүшүн мониторинг жүргүзүү үчүн кийинки жумада объектке кайрадан барууну пландаштырууда экенин билдирди.
