Демонстрациянын негизги объектиси 80 кВт кубаттуулуктагы күн фотоэлектрикалык станциясы болду. Жыйынга адистер, агробизнес жана энергетика өкүлдөрү чогулуп, анын иштеши жана ашыкча электр энергиясын жалпы тармакка сатуу менен байланышкан артыкчылыктар менен таанышышты. Күн панелдеринен тышкары, катышуучулар айыл чарба продукциясын кургатууга арналган күн туннелдик кургаткычтар жана күн энергиясында иштеген "электропастухтар" сыяктуу башка экологиялык таза технологияларды да көрүштү.
Бирок борбордогу иш-чара бул гана башталышы: жакынкы айларда Чүй жана Ош облустарында толук масштабдуу демонстрациялык объекттерди түзүү пландалууда. Программа ошондой эле техникалык адистерди даярдоону жана "жашыл" энергетика үчүн жабдуучулар рыногун өнүктүрүүнү камтыйт. Уюштуруучулар бул технологияларды кеңири киргизүү өлкөнүн агрардык секторуна климаттык чакырыктарга жакшыраак адаптацияланууга жана жергиликтүү продукциянын атаандаштыкка жөндөмдүүлүгүн жогорулатууга жардам берет деп ишенишет.
