Националдык инвестиция агенттигинде ОсОО Прекаб өкүлдөрү менен болгон жолугушууда Кыргызстанда жгуттарды өндүрүү боюнча пландар талкууланды. Бул тууралуу агенттиктин басма сөз кызматы маалымдады.
Проекттин алкагында 5 миң квадрат метрден ашык өндүрүш комплекси түзүлөт. Бул компания жүк унаалары жана автобустар үчүн жгуттарды өндүрүү боюнча лидерлик позицияларды ээлейт.
НАИнин жетекчиси Равшанбек Сабиров агенттиктин жер тилкеси жана жер участогун тандоодо, ошондой эле консультациялык колдоо көрсөтүүдө ар тараптуу жардам берүүгө даяр экенин белгиледи.
Бул долбоордун ишке ашуусу жаңы жумуш орундарын түзүүгө, өндүрүүнү локалдаштырууга жана өнөр жай кызматташтыгын күчөтүүгө мүмкүндүк берет, бул болсо Кыргызстандын өнөр жай потенциалына оң таасирин тийгизет.
