Жакында президенттик компенсациялар күчүнө кирет, ал эми сентябрдан тартып эмгектин кыйынчылыгына байланыштуу үстөк акынын жогорулоосу пландалууда.
Президент Садыр Жапаров бюджеттик сектордун айрым категориядагы кызматкерлеринин айлыктарын жогорулатууга байланыштуу жарлыкты бекитти.
Бул документке ылайык, өзгөртүүлөр этап-этабы менен ишке ашырылат.
2026-жылдын 1-апрелинен баштап:
- билим берүү мекемелеринин, саламаттыкты сактоо, маданият, медиа кесиптери, спорт уюмдары жана социалдык коргоо кызматкерлеринин айлыктары жогорулатылып, президенттик компенсация 15 000 сомду түзөт (техникалык кызматкерлерди эсепке албаганда);
- техникалык жана кичи кызматкерлер, ошондой эле күч структураларынын жарандык курамы үчүн 5 000 сомдук компенсация каралган.
2026-жылдын 1-сентябрынан баштап:
- жергиликтүү бийлик органдарынын жана караштуу мамлекеттик органдардын кызматкерлерине эмгектин кыйынчылыгы жана сапаты үчүн үстөк акы 50% га чейин жогорулатылат;
- ошондой эле айрым кызматкерлер үчүн 15 000 сомдук президенттик компенсация каралган (күч структуралары жана айрым ведомстволор үчүн исключения менен).
Жарлыктын ичинде бул чаралар бюджеттик тармактагы кызматкерлердин айлыктарын теңдештирүүгө жана мотивацияны жогорулатууга багытталгандыгы белгиленет.
Министрлер кабинетине 2026-жылга республикалык бюджетке тиешелүү өзгөртүүлөрдү киргизүү жана аталган жарлыкты ишке ашырууну камсыз кылуу тапшырылды.
Сүрөт www
