Иш-чарада билим берүү министри Догдуркүл Кендирбаева, министрдин биринчи орун басары Мухтарбек Баймурзаев, И. Раззаков атындагы КГТУнун «Технопаркынын» директору Касымбек Келебаев жана райондордун билим берүү бөлүмдөрүнүн өкүлдөрү катышты.
Министр Догдуркүл Кендирбаева билдиргендей, бул ноутбуктарды тапшыруунун экинчи партиясы. Мугалимдер түзмөктөрдү райондук билим берүү мекемелери аркылуу алышат. Келечекте тарых, география жана кыргыз тили мугалимдерин ноутбуктар менен камсыздоо пландалууда. Тапшырылган ноутбуктарда педагогдордун эффективдүү иштөөсү үчүн методикалык материалдар жана зарыл программалар орнотулган.
Өткөн жылы STEM-дисциплиналар (математика, физика, химия, биология, информатика) менен алектенген мугалимдерге 27 миң 31 ноутбук тапшырылган.
