Алматы облусунун Уйгур районунда 12 адам чет элдик лидерлердин сүрөттөрүн жана желегин өрттөгөндүгү үчүн кармалды. Полиция департаментинин басма сөз кызматы окуя 13-ноябрда болгонун тастыктады.
«Мамлекеттик желекти жана чет элдик жетекчиликтин сүрөттөрүн өрттөгөн мыйзамсыз жыйындын катышуучулары кармалды. Сот материалдарын карап чыгып, 12 жаранды Казакстан Республикасынын административдик укук бузуулар кодексинин 434-беренеси боюнча административдик жоопкерчиликке тартуу менен 15 күнгө чейин камакка алуу чечими кабыл алынды», – деп билдирилди полициянын маалыматында.
Мындан тышкары, алты башка катышуучу 20 МРП (78 640 теңге) айыппулга тартылды. Окуя боюнча полиция департаментинде жек көрүүчүлүктү козутуу боюнча кылмыш иши козголду, учурда зарыл тергөө иштери жүргүзүлүүдө.
