Акыркы күндөрү ДДУнун адистери жергиликтүү медициналык кызматкерлер менен кызматташып, иммунизациянын кандай жүргүзүлүп жатканын жакшыраак түшүнүүгө аракет кылышты. Алар Бишкек жана Ош сыяктуу ар кандай аймактардагы баштапкы медициналык-санитардык жардам мекемелеринде текшерүү жүргүзүшүп, жалпы практикалык врачтар, медициналык медайымдар жана вакцинация боюнча адистер менен интервью алышты.
ДДУнун командасы ошондой эле медициналык кызматкерлердин ата-энелер менен, айрыкча вакцинация боюнча күмөн саноолорду баштан кечиргендер менен, кантип байланышып жатканын изилдешти. Миссиянын алкагында калк менен натыйжалуу өз ара аракеттенүү үчүн кошумча билим берүү жана инструменттерге болгон муктаждыктар анализделди. Адистер вакцина жана чыгым материалдарынын жеткиликтүүлүгүн, ошондой эле жеткирүүдөгы үзгүлтүктөрдү жана каршы көрсөтмөлөрдү каттоону баалашты.
Мындан тышкары, ДДУнун адистери акыркы мезгилдеги кызылча оорусунун жайылышын изилдешти, анда толук эмес вакцинация бир фактор катары аныкталды. Жыйналган маалыматтар жергиликтүү бийликтерге саламаттыкты сактоо саясатын жакшыртууга, медициналык кызматтардын сапатын жогорулатууга жана калкты вакцинациялоо боюнча кампанияларды кеңейтүү үчүн максаттуу чараларды иштеп чыгууга жардам берет.
Миссиянын ишинин жыйынтыктары Кыргызстандын Саламаттыкты сактоо министрлигине, өнүктүрүү өнөктөштөрүнө жана медициналык мекемелерге практикалык сунуштар менен толук отчет түрүндө даярдалат. Бул рутиналык вакцинацияны кеңейтүү жана калкты вакцинация аркылуу алдын ала болтурса боло турган инфекциялык оорулардан коргоо боюнча кийинки аракеттер үчүн негиз болот.
