Иш-чарада Венгриядагы Кыргыз Республикасынын Чрезвычайный жана Ыйгарым укуктуу элчиси Талантбек Кушчубеков жана Риекадагы Почеттуу консул Боян Шиканич сыяктуу маанилүү коноктор болду. Ошондой эле Хорватиянын тышкы жана европалык иштер министрлигинин өкүлдөрү, Риека мэриясы, Приморско-Горан жупандык администрациясы жана башка чакырылган коноктор катышты.
Салтанат учурунда почеттуу коноктор консулдук офисинин ачылышынын кыргыз-хорват кызматташтыгын өнүктүрүү, региондор аралык байланыштарды активдештирүү жана эки өлкөнүн мамлекеттик жана бизнес структураларынын ортосундагы өз ара аракеттенүүнү жакшыртуу үчүн маанилүүлүгүн белгилешти.
Иш-чаранын расмий бөлүгүнөн кийин Венгриядагы Кыргыз Республикасынын элчилиги өлкө тууралуу презентацияны сунуштады, анда Кыргызстандын табигый, туристтик, маданий жана экономикалык мүмкүнчүлүктөрү тууралуу маалымат берилди. Презентация Кыргызстандын табиятынын ар түрдүүлүгүн, улуттук маданиятынын элементтерин жана экономика менен маданият тармактарындагы кызматташтык үчүн келечектеги багыттарды көрсөтүүчү видео материалдар менен коштолду.
