Мирбек Мамбеталиев Кыргыз Республикасы менен Австриянын ортосундагы кызматташтык 1992-жылы башталганын белгилеп, маданий байланыштарды сактоо жана кеңейтүү зарылдыгына ишеним билдирди. Талкуулоолордун жүрүшүндө маданий ресурстарга жеткиликтүүлүк, музейлерди жана аткаруучулук искусстваларды өнүктүрүү, ошондой эле чыгармачыл жаштарды колдоо жана маданий тармакка заманбап технологияларды киргизүү маселелерине өзгөчө көңүл бурулду.
Кыргыз тарап австриялык тажрыйбаны үлгү катары колдонууга кызыгуусун билдирип, эки өлкөнүн өкүлдөрүнүн биргелешкен маданий иш-чараларга катышуусун камтыган кызматташтыкты тереңдетүүгө даярдыгын билдирди.
Жолугушуулардын жыйынтыгында тараптар конструктивдүү пикир алмашуу үчүн ыраазычылык билдирип, өнөктөштүк мамилелерди мындан ары өнүктүрүүгө болгон берилгендигин растады.
