Манас шаарында текшерүүлөрдүн жүрүшүндө Кыргызстандын жараны «А.Э.С.» тарабынан уюштурулган мыйзамсыз кредитордук ишмердик аныкталды. Ал үйүндө «кара ломбард» түзүп, жылына 150%дан ашык пайыздык чен менен насыя берип, кыймылдуу жана кыймылсыз мүлктү, ошондой эле кымбат баалуу металлдардан жасалган зергерчилик буюмдарды кепилдикке алган. Бул тууралуу Кыргызстандын Улуттук коопсуздук мамлекеттик кызматынан (УКМК) маалымдалды.
Текшерүү учурунда катталган учурлардын бири «Ш.К.У.» аттуу жарандын 1 миллион сомдук насыя алгандыгы болду. Ал ар ай сайын «А.Э.С.»га 150 миң сом пайыз түрүндө төлөп турган. Насыянын негизги суммасын төлөө процессинде «А.Э.С.» «Ш.К.У.»нун мүлкүн күч менен тартып алууга аракет кылып, ага коркутуулар жасап, пландан тышкары төлөмдөрдү талап кылган. Натижада насыя алган адамдын унаасы алынган. 2026-жылдын 4-февралында «А.Э.С.» 200 миң сом пайыз катары алып жаткан жеринен кармалды. Анын жашаган жеринде жүргүзүлгөн тинтүү учурунда кыймылсыз мүлккө байланыштуу документтер, ID-паспорттор, жер тилкелери боюнча актылар жана кепилдикке берилген кымбат баалуу буюмдар табылган.
Текшерүү иштеринин натыйжасында «А.Э.С.» моюнуна алган көрсөтмөлөрдү берди.
Текшерүүнүн жыйынтыгы боюнча «А.Э.С.» Кыргызстандын УКМКсынын убактылуу кармоо жайына киргизилди. Учурда анын аракеттеринен жабыркагандарды, ошондой эле башка насыя алган адамдарды жана кепилдикке берилген мүлктүн ээлерин аныктоо боюнча иш-чаралар улантылууда. Текшерүү иштери аяктагандан кийин алынган мүлк мыйзамдуу ээлерине кайтарылат.
Кыргызстандын УКМКсы ошондой эле калкка кабыл алынгыс шарттарда насыя сунуштап, кепилдикке алынган мүлктү мыйзамсыз тартып алып, чоң киреше тапкан адамдарды аныктоо боюнча ыкчам-издөө иштерин улантууда.
