Кечээ Кыргыз Республикасынын курулуш, архитектура жана турак-жай-коммуналдык чарба министринин биринчи орун басары Самат Джантелиев «Доолот Курулуш» компаниясынын үлүштүк курулушунун катышуучулары менен жолугушуу өткөрдү.
Мурда бул компаниянын ишмердүүлүгү өлкө президентинин көзөмөлүнө алынды, жарандардын кайрылууларына жооп катары министрликке тиешелүү көрсөтмөлөр берилди. Учурда «Доолот Курулуш» компаниясынын жетекчилиги курулуш объектилерин министрликтин карамагына өткөрүп берүүдө.
Самат Джантелиев «Кудайберген» жана «Шопоков Эко Сити» турак жай комплекстеринин учурдагы абалы жөнүндө маалымат берип, керектүү документтерди даярдоонун убакытты талап кыларын белгиледи.
Аудиттин алкагында курулуш объектилеринин абалы, аткарылган иштердин көлөмү, финансылык агымдар жана үлүштүк курулуштун катышуучулары менен келишимдик милдеттенмелер боюнча терең анализ жүргүзүлүүдө.
Жүргүзүлүп жаткан иш-чаралардын максаты долбоорлордун фактический абалын так аныктоо жана курулуш иштерин улантуу боюнча негизделген чечимдерди кабыл алуу.
Белгилей кетүүчү нерсе, төрт жыл мурун аталган компаниядан турак жай сатып алган жарандар азыркы убакка чейин батирлерин алышкан жок жана курулуш иштерин токтотуу боюнча бир нече жолу кайрылышкан. Бул боюнча курулуш министрлиги «Доолот Курулуш» компаниясына эскертүүлөрдү берди жана курулуш иштерин кайра баштоо боюнча көрсөтмөлөрдү чыгарды.
Бирок компаниянын финансылык кыйынчылыктарынын натыйжасында үлүштүк курулуштун катышуучуларынын каражаттары толук көлөмдө пайдаланылган жок, натыйжада курулуш иштеринин жүрүшү токтотулду.
Кыргызстан Министрлер кабинети: «Доолот Курулуш» компаниясынын объектилери боюнча аудит жүргүзүлүүдө» K-News сайтында биринчи жолу жарыяланды.
