Жабдыктардын баасы 65 миң доллардан ашты. Аппараттар Баткен жана Баткен облусунун неонатология бөлүмдөрүнө жөнөтүлөт, алар жаңы төрөлгөндөргө, анын ичинде дем алуу жетишсиздигинен жабыркагандарга критикалык маанидеги жардам көрсөтүү үчүн колдонулат.
Саламаттык сактоо министри Эркин Чечейбаев ПРООНго көп жылдар бою көрсөткөн колдоосу үчүн ыраазычылык билдирди жана жаңы жабдыктар өлкөнүн неонаталдык жардамды жакшыртуу жана балдардын өлүмүн азайтуу боюнча приоритеттерине жооп берерин баса белгиледи.
«Бул ИВЛ аппараттары Баткен облусундагы кичинекей бейтаптар үчүн абдан маанилүү. Биз өлкөнүн алыскы бурчтарында да балдар квалификациялуу медициналык жардам ала алат деп ишенебиз. ПРООНдун саламаттык сактоо системасынын техникалык потенциалын өнүктүрүү, кадрларды даярдоо жана заманбап технологияларды киргизүү боюнча салымы биздин үчүн чоң мааниге ээ», - деди министр.
Кыргызстандагы ПРООНдун туруктуу өкүлү Александра Соловьёва жаңы ИВЛ аппараттары Баткен облусундагы неонаталдык бөлүмдөрдүн даярдыгын жогорулатууга жана жаңы төрөлгөндөргө сапаттуу медициналык жардамды зарыл учурда жеткирүүгө жардам берерин билдирди.
«Саламаттык сактоо министрлиги менен узак мөөнөттүү стратегиялык кызматташтыгыбыз системалык жакындашуу жана эл аралык өз ара аракеттенүү өмүрдү сактап калууга жөндөмдүү экенин көрсөтүп турат. Биз Кыргызстанды медициналык кызматтарды модернизациялоодо, кадрдык потенциалды бекемдөодо жана инновациялык чечимдерди киргизүүдө колдоону уланта беребиз», - деп кошумчалады ал.
Мындан тышкары, ПРООН Баткен облусунда медициналык персоналды жаңы ИВЛ аппараттарын биринчи күндөн баштап эффективдүү жана коопсуз колдонуу үчүн окутууну уюштурат.
