Кыргыз Республикасынын Саламаттык сактоо министрлигинин маалыматына ылайык, 16-январга карата Бишкектеги «Даамдуу» тез тамактануучу жайында тамак-аштан ууланган жапа чеккендердин саны 23 адамга жетти, алардын 5и балдар.
15-январда бул жерде массалык уулануу болгондугун эске салабыз, буга чейин ооруларды алдын алуу жана санитардык-эпидемиологиялык көзөмөл департаменти 4 баланы кошкондо 17 жапа чеккенди каттаган.
Азыркы учурда, Саламаттык сактоо министрлигинин акыркы маалыматы боюнча, 18 адам ооруканага жаткырылган. Пациенттердин көбүнүн абалы туруктуу: алардын 5и канааттандырарлык абалда болуп, амбулатордук байкоого өткөрүлгөн.
