Ал өлкөдө мүмкүн болгон коркунучтарга жооп берүү үчүн так алгоритм орнотулганын баса белгиледи. Кыргызстан Казакстан, Өзбекстан жана башка коңшу мамлекеттер менен активдүү кызматташып, маалымат алмашып, вируска каршы күрөшүү боюнча алардын чараларын талдап жатат.
Индиядан келген студенттерге атайын көңүл бурулууда, алар келгенде медициналык текшерүүдөн өтөт, деди министр.
Мамлекет башчысынын көрсөтмөлөрүнө ылайык, аэропорттордогу санитардык контролду күчөтүү үчүн президенттик фонддон кошумча каражаттар бөлүнгөн. Атап айтканда, бардык эл аралык аэропортторду стационардык термографиялык аппараттар менен жабдуу пландалууда, деп билдирди Досмамбетов.
Учурда мындай жабдуулар «Манас» аэропортунда гана орнотулган, бирок келечекте Ош, Тамчы жана Каракол аэропортторунда да орнотулаары пландалууда.
Министрдин айтымында, кырдаал контролдо турат жана өлкөдө вирусунун жайылышына олуттуу коркунуч жок.
Досмамбетов Nipah вирусу негизинен жакын физикалык байланыш аркылуу жугат жана COVID-19 менен салыштырганда аба- тамчы жолу менен оңой тарап кетпей турганын кошумчалады.
