Видеонун авторунун айтымында, сатуучу жайлардагы бышырылган уйдун тилинде чириген белгилер бар, ал эми желе сапатсыз желатин колдонулуп жасалган.
Ош шаардык санитардык-эпидемиологиялык көзөмөл борборунун тамактануу гигиенасы бөлүмүнүн башчысы Дария Жапарова, алардын ведомствосу мындай соода жайларын ачууга уруксат бербегенин белгиледи. «Биз ифтар-базарларынын иштешине каршы болдук жана тиешелүү буйруктарды мэрияга жана муниципалдык аймактык башкармалыктарга (МАБ) жөнөттүк. Бул жылы биз уруксат берүүнү сунуштаган жокпуз, өткөн жылы болсо берилген. Бирок муниципалдык менчик башкармалыгы менен келишим түзгөн соодагерлер өз ишин улантууда», — деп билдирди ал, көчөдөгү соодага көзөмөл МАБ жана Ош шаарынын Ички иштер башкармалыгынын колунда экенин кошумчалады.
«Кызыл-Кыштак» аймактык башкармалыгынын башчысы Жылдызбек Сактанов, кырдаал көзөмөлдө экенин билдирди. «Соодагерлер мэриядан уруксат алышкан. Биз санитардык нормалардын сакталуусун көзөмөлдөп, жолдун үстүндө соода жүргүзүүгө жол бербейбиз. Сатуучүлөр талаптарды аткарууга аракет кылышат. Бул базар ар жылы иштейт, бирок расмий толук уруксат берилбейт», — деди ал.
Ош мэриясынын шаар куруу жана муниципалдык менчик бөлүмүнүн башчысы Мирлан Казыбай уулу, бул жылы ифтар-базарларын уюштурууга болгону эки жерде — Моминова жана 8-Март көчөлөрүндө уруксат берилгенин билдирди. «Алгач ифтар-базарларына уруксат берүүнү пландаштырган жокпуз, бирок бардык талаптарды сактоого милдеттенмелерди алган соодагерлердин уюштурулган кайрылуусунан кийин келишимдер түзүлдү. Предпринимательдердин басымы менен иштөө үчүн уруксат берүү чечими кабыл алынды. Учурда базар күн сайын көзөмөлдөнүп турат», — деп тактады ал.
