Маалыматтар боюнча, каза болгондордун арасында жарандар жана аскер кызматкерлер бар. «Кеминде 40 адам, анын ичинде тынч жарандар жана аскерлер, кол салуунун курмандыгы болду», - деп айтылат билдирүүдө.
Венесуэла президенттигине убактылуу дайындалган Делси Родригес каза болгондордун арасында мамлекеттик кызматкерлер жана жарандар бар экенин билдирди.
Венесуэладагы объектилерге сокку 3-январь түнүндө жасалды. Операциянын натыйжасында президент Николас Мадуро жана анын жубайы кармалып, өлкөдөн чыгарылды, «наркотерроризм» боюнча айыптар коюлду.
Мадуро Нью-Йорк штатынын Бруклин шаарындагы тергөө изоляторуна жеткирилгени тууралуу мурда маалымат келип түшкөн.
