Протестчилер Гренландиянын желектери жана "Гренландиядан колуңарды алгыла" деген ураандар жазылган плакаттар менен келишти. Даниянын борборундагы мэриянын алдындагы аянт адамдар менен толуп кетти, андан кийин колонна АКШнын элчилигине жөнөдү, ал жерде Гренландияга колдоо көрсөтүү үчүн концерттер жана музыкалык номерлер пландалган.
Danmarks Radioнун маалыматына ылайык, ушундай акциялар Орхус, Ольборг, Оденсе жана Гренландиянын борбору Нуукта да өттү. Протестке катышуучулар гренланд тилинде ырдап, Трамптын билдирүүлөрүнө каршы ураандарды кыйкырышты.
