Болжолдорго ылайык, 2026-жылдын июль айына карата NIM 321 миң адамга чейин төмөндөшү мүмкүн. Эгер азыркы тенденция сакталса, бул АКШда 50 жылдан бери биринчи жолу кетип жаткан мигранттардын саны келгендерден ашып кетет дегенди билдирет.
Ошондой эле отчетто калк санынын өсүшүнүн жайлашы жөнүндө айтылат: 2024-жылдын 1-июлунан 2025-жылдын 1-июлуна чейин өсүш болгону 1,8 миллион адамды түзөт, ал эми өткөн мезгилде 3,2 миллионго өскөн. Бул COVID-19 пандемиясынан бери калк санынын эң төмөнкү өсүш темпи деп белгиленет отчетто.
2025-жылдын январь айында кызматка киришкенден бери президент Дональд Трамп иммиграциялык чараларды катаалдаштырууну жактап келет. Жакында ички коопсуздук министри Кристи Ноэм, администрациясынын бир жылдык иши учурунда болжол менен 3 миллион мыйзамсыз мигрант АКШдан кеткенин билдирди. Алардын 2,2 миллиону өз алдынча кетсе, 675 миңден ашыгы депортацияланганын ал X платформасындагы билдирүүсүндө белгиледи.
