Закон долбоорунун авторлору анын жайдын башына чейин кабыл алынарына үмүттөнүшөт. «Никедеги сексуалдык мамилеге макулдук берүү акыркы жана мөөнөтсүз деп кабыл алынбашы керек», — деп белгиледи долбоордун авторлорунун бири, депутат Мари-Шарлотта Гарин, талкуу учурунда.
Франциянын Граждандык кодексинде жубайлардын сексуалдык жашоосун жүргүзүү милдети түздөн-түз көрсөтүлгөн эмес, бирок «жубайлар биргеликте үй-бүлөлүк жашоону өткөрүшү керек» деп айтылат. «Бийликке баш ийбеген Франция» партиясынан депутат Сара Легрен, бул формулировканы сот тарабынан «катарда жатуу милдети» катары түшүнүүгө болот деп эсептейт.
Сара Легрен жаңы закон долбоорунун максаты «Граждандык кодекстин абсурддуу интерпретацияларын ажырашуу иштеринде алдын алуу» экенин түшүндүрдү. Мисалы, 2019-жылы Версальдын апелляциялык соту жубайынын сексуалдык мамилелерден баш тартуусунан улам ажырашууга жетишкен күйөөгө пайдасына чечим чыгарган. Легрен бул демилгени никедеги зордук-зомбулукка каршы күрөшүүгө да багытталганын кошумчалады.
