Жаңы маалыматтарга ылайык, гигант планетанын экватордук радиусу 71 488 км түзөт, бул мурдагы баалоолордон 8 км аз. Полярдык радиус болсо 69 886 км, бул мурда эсептелгенден 24 км аз.
Мурда Юпитердин өлчөмдөрү 1970-жылдары ишке киргизилген «Пионер» жана «Вояджер» космостук зонддорунан алынган маалыматтарга негизделип бааланган. Бирок акыркы изилдөөлөр мурдагы эсептөөлөрдө эске алынбаган планетанын атмосферасындагы күчтүү шамалдардын таасирин жана так өлчөмдөрдү да эсепке алды.
«Юнона» космостук аппараты 2011-жылы ишке киргизилип, 2016-жылы Юпитердин орбитасына жетти. Планетанын келип чыгышын, эволюциясын жана ички түзүлүшүн изилдөөгө арналган баштапкы миссия 2021-жылы аяктады. Анын аяктагандан кийин Юпитер системасын камтыган жаңы программа башталды. 2024-жылдын ноябрында аппарат планетанын полюстарынан биринчи сүрөттөрдү тартты.
