Учурдагы кырдаалга байланыштуу Air Astana, SCAT, FlyDubai жана Air Arabia авиакомпаниялары Дубай, Шарджа, Джидда, Медина жана Маскат шаарларынан Алматы, Астана, Атырау, Актау жана Шымкентке рейстерди жүргүзүп жатышат, деп маалымдашты ведомстводон.
Граждандык авиация комитети казакстандыктарды Жакынкы Чыгыштан эвакуациялоо боюнча башка мамлекеттик органдар жана авиакомпаниялар менен биргеликте иштерди улантып жатканын билдирди.
Бейшемби күнү Казакстандын Тышкы иштер министрлиги учурда өлкөгө 9 926 жарандын кайтып келгенин маалымдады.
ТИМдин маалыматы боюнча, Түркмөнстан менен чек арасындагы жер үстүндөгү өткөрмө пункттары аркылуу Ирандан үч казакстандык чыгарылган, ал эми бул өлкөдөн эвакуация башталгандан бери мекенине 69 адам кайтып келген. Ошондой эле Израилден 68 казакстандык эвакуацияланган.
