Уурулук 15-октябрда эртең менен болду. Уурдалган буюмдардын арасында сүрөтчү Флоренс Резниковдун чыгармалары, индейлердин себеттери, морждун тиштери жана ар кандай значоктор менен медалдар бар.
Музейдин директору Лори Фогартинин айтымында, бул жоготуу мекеме үчүн гана эмес, Калифорниянын бүт коомчулугу үчүн да оор. Ал жарандардын уурдалган буюмдарды кайтарууга жардам берет деген үмүтүн билдирди. Эске салсак, 2013-жылы ушул эле музейден Алтын лихорадка доорунун алтын кутусу уурдалган, ал жергиликтүү тургундардын жардамы менен кайтарылган.
Интернеттен алынган сүрөт. Экспонаттар
Полициянын версиясы боюнча, бул окуя алдын ала пландалган уурулук эмес, кездешкен окуя. Азыркы учурда тергөө органдары eBay жана Craigslist сыяктуу онлайн платформаларды текшерип жатышат, анткени кылмышкерлер уурдалган буюмдарды сатууга аракет кылышы мүмкүн. Тергөө иштерине ФБР да тартылган.
Ушуга окшош уурулук учурлары жакында башка өлкөлөрдө да болгон: Парижде Лувр музейинен Наполеондун баалуу буюмдары уурдалса, Египетте 3000 жылдык алтын билерик уурдалып кеткен.
