Жаңы мыйзамга ылайык, макулдук азыр зордуктоону аныктоонун милдеттүү компоненти болуп калды. Документте «макулдуксуз жасалган ар кандай сексуалдык аракет сексуалдык зомбулук катары эсептелет» деп жазылган.
Макулдук «эркин жана аң-сезимдүү» болушу керек, аны конкреттүү аракетке чейин берүү керек жана каалаган учурда кайтарып алынышы мүмкүн, мыйзамда баса белгиленет. Ошондой эле, курмандыктын унчукпагандыгы же аракетсиздиги макулдук катары интерпретацияланбашы керек экени айтылат.
Мыйзам долбоорунун бир автору Вероник Рьоттон бул мыйзамдын кабыл алынышы «позитивдүү кадам» экенин, парламенттин Франциядагы саясий кризиске карабастан маанилүү маселелерди чечүүгө жөндөмдүү экенин тастыктаганын билдирди.
Мурда бир нече депутаттар ушундай өзгөртүүлөрдү киргизүүгө аракет кылышкан, бирок алар Жизель Пелико боюнча резонанс жараткан ишке чейин ийгиликке жете алышкан эмес.
2022-жылы Европалык комиссия макулдуксуз жыныстык мамилени зордуктоо катары классификациялоону бардык ЕБ өлкөлөрү үчүн стандартташтырууну сунуш кылган, бирок бул демилге Францияны да камтыган бир нече өлкөнүн каршы пикирлеринин натыйжасында аялдарга карата зомбулукка каршы мыйзам долбоорунан алынып салынган.
24.kg маалымат
Жизель Пелико — Францияда зордуктоо боюнча эң резонируучу иштердин биринин курмандыгы болгон француженка. Анын мурдагы күйөөсү он жыл бою ага уйку дармегин кошуп берип, үйүнө ондогон эркектерди алып келип, ал эс-учун жоготуп жатканда зордукташкан.
Пелико бул тууралуу бир нече жылдан кийин гана, күйөөсү камакка алынганда жана полиция анын кылмыштарынын видеотасмаларын тапканда кабардар болгон. Иштин алкагында зордуктоолорго катышкан 51 эркек айыпталган.
