«Конкурс жалпы маданий жана руханий салттарды бөлүшкөн өлкөлөрдүн чыгармаларын камтыйт. Кинофильмдерди Россия, Кытай, Түркия, Кыргызстан, Тажикстан, Түркмөнстан, Сербия, Өзбекстан, Венесуэла, Куба, Сенегал, Түштүк Африка, Пакистан, Беларусь, Индонезия, Вьетнам, Иран жана башка өлкөлөр сунуштады. Бул мамлекеттердин бардыгы өзүнүн улуттук киноиндустриясынын уникалдуулугун жана байлыгын чагылдырган эмгектерди жөнөтүштү», — деп белгилешти уюштуручулар.
Номинацияга алынган фильмдердин арасында кыргыз режиссерлору тарабынан түзүлгөн беш тасма бар:
- «Борьба» — режиссер Азамат Исмаилов;
- «Киргизы на Марсе» — Нурланбек Камчыбеков;
- «Сделка на границе» — Дастан Жапар Рыскелди;
- «Черный, красный, желтый» — Актан Арым Кубат;
- «Потанцуйте с мамой!» — Дастан Мадалбеков.
Кино сыйлыгы ар кандай номинациялар боюнча берилет, алардын арасында: «Эң жакшы фильм», «Эң жакшы режиссер», «Эң жакшы сценарий», «Эң жакшы оператор», «Эң жакшы композитор», «Эң жакшы актер», «Эң жакшы актриса», «Эң жакшы экинчи пландагы актер», «Эң жакшы экинчи пландагы актриса», ошондой эле «Эң жакшы сүрөтчү». Мындан тышкары, аземдин жүрүшүндө дүйнөлүк киноиндустрияга кошкон салымы үчүн сыйлык берилет.
