Исмаилов акыркы жумада ишкананын кызматкерлери калкты жаңылыктар тууралуу активдүү маалымдап жатканын белгиледи. «Эми жүргүнчүлөр автобуска алдыңкы эшиктен кирип, төлөмдү жүргүзүп, арткы эшиктен түшүшү керек. Төлөм системасы Бишкекте колдонулганга окшош болот. Төлөм процессин жеңилдетүү үчүн алдыңкы эшикке QR-код жайгаштырдык. Орусиялык компания менен кызматташып, транспорт картасын иштеп чыгуу үстүндө иштеп жатабыз, жана ал 1–2 айдын ичинде даяр болот деп үмүттөнөбүз. Ошондой эле лимиттик карталар да жеткиликтүү болот. Карта киргизилгенге чейин маалыматтык иштер уланат», — деди Исмаилов.
